CONTACTO

  • Expo La Caixa
  • EdC
  • Auditorio
  • O Concello celebra este domingo o Día Internacional da Danza con espectáculos de balde a cargo de medio millar de alumnos de oito escolas de baile ourensás

    Ourense, abril de 2018.

    O Concello de Ourense sumarase este domingo, 29 de abril, á conmemoración do Día Internacional da Danza convertendo os espazos públicos da cidade nun escenario para os alumnos de oito escolas de danza da cidade e no que está previsto que participen máis de 500 persoas.

    O alcalde Jesús Vázquez salientou este martes durante a presentación do programa de actividades xunto a concelleira de Cultura, Belén Iglesias e os representantes das oito escolas, que a actuación de medio milleiro de participantes suporá “un espectáculo nunca visto” na cidade e protagonizado por persoas “dende tres anos en adiante”.

    Tras a primeira edición, celebrada o ano pasado na Praza de San Martiño con grande éxito, este ano a Concellería de Cultura amplía a programación e ofrecerá espectáculos ao longo de toda a xornada.

    O programa conta coa participación das escolas de baile Nati Fleta-Copelia; Sabrosura, Fussión; Tics, Estilo Libre; Don’t Stop; Cuatro Pasos e Enka, que ofrecerán coreografías baseadas en distintos estilos musicais como o flamenco, a danza contemporánea, o hip hop, as danzas orientais e o baile latino.

    Entre as 10,30 horas e as 14,00 horas os alumnos destas oito escolas actuarán de balde e ao mesmo tempo en tres escenarios: na rúa do Paseo, no Centro Cultural da Deputación e na Praza de San Martiño.

    A xornada se pechará cunha grande festa da danza a partires das 17,30 horas na Praza Maior con dous pases dos alumnos destes centros de ensino. No primeiro deles está prevista a participación de más de 260 bailaríns con idades entre os tres e os 50 anos. No segundo pase bailarán perto de douscentas persoas (198 segundo datos da organización).

    O alcalde de Ourense Jesús Vázquez invitou aos ourensáns a participar desta actividade que “ademais de facer bos amigos é unha ferramenta para mellorar a saúde física e psicolóxica” dos seus participantes. Tamén agradeceu ós representantes das academias a súa colaboración e a súa “unión” que permitiu poñer en marcha “de forma conxunta” este espectáculo “ó grande”.

    O rexedor confirmou a aposta do Concello por as actividades que achegan o mundo da danza aos ourensáns, como a conmemoración do Día Internacional da Danza e o festival de danza “SóloDos”, que durante uns días converte a cidade “nun referente” da mellor danza europea e latinoamericana.

    Pola súa banda a concelleira de Cultura, Belén Iglesias, animou aos cidadáns a achegarse ó mundo do baile “pola importancia da danza no desenrolo físico e da personalidade”.


    Concellería de Cultura
    Concello de Ourense
    2017

     

    Rúa da Canle, 1
           32005 Ourense

     

       988 391 290

    Contacto

     

    Accesibilidade

     

    Permisos

    Cultura nas redes:

     

      Facebook

     

      Twitter

     

      Youtube

    Diseñado y programado por ACV Galaica